Plantun de Prouvènço

Pèr coumpara dos planto d'encò nostre

Primula farinosa & Valerianella discoidea

Primula farinosa

Primulaceae

Nom en français : Primevère farineuse.

Descripcioun :
Dins la Tiniò, ié dison "las flours-de-Jano-d'Arc" (J.-L. Domenge in LMT, op.cit. p. 60). Es uno primadello dindouleto di flour roso emé lou centre jaune e blanc, que trachis dins li pelouso e li prado bagnado d'auto mountagno. Li fueio, touto basalo, soun quàsi ouvalo e merletado.

Usanço :
Couneissèn pas d'usanço particuliero pèr aquelo planto. La racino caup de sapounino. Escriéure au site se n'en sabès mai.

Port : Erbo
Taio : 5 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Primula
Famiho : Primulaceae

Ordre : Ericales

Coulour de la flour : Roso
Petalo : 5
Ø (o loungour) flour : 1 cm
Flourido : Printèms - Estiéu

Sòu : ca
Autour basso e auto : Pancaro entresigna
Aparado : Noun
Mai à jun

Liò : Prado umido - Bas-palun
Estànci : Subaupen
Couroulougi : Éurasiatico
Ref. sc. : Primula farinosa L., 1753

Grasseto

Valerianella discoidea

Caprifoliaceae Valerianaceae

Àutri noum : Douceto, Greisseto, Pan-froument, Pan-dóu-bon-Diéu.

Noms en français : Doucette discoïde, Mâche à disque.

Descripcioun :
La grasseto trachis dins li tepiero seco, lis ermas e l'areno proche de mar, ounte flouris à la primo. Es uno pichoto planto de l'an, proun ramificado, que douno d'èr à sa cousino la douceto. Fai de flour roso. Se recounèis e se destrìo dóu passeroun, Valerianella coronata emé si courouno dóu calice clafis de péu (vèire la fotò à man drecho).

Usanço :
Dèu agué li mémi prouprieta que la douceto. Èi peréu uno bono ensalado champanello.

Port : Erbo
Taio : 5 à 20 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Roso
Petalo : 5
Ø (o loungour) flour : 1 mm
Flourido : Printèms

Sòu : Ca
Autour basso e auto : 0 à 700 m
Aparado : Noun
Remarco : Ensalado champanello
Abriéu à jun

Liò : Tepiero seco - Champ - Sablo - Ermas
Estànci : Termoumediterran à Subremediterran
Couroulougi : Estenoumediterrano
Ref. sc. : Valerianella discoidea (L.) Loisel., 1810

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Primula farinosa & Valerianella discoidea

ges

Coumpara Flour-de-Jano-d'Arc emé uno autro planto

Coumpara Grasseto emé uno autro planto